WENGER HUYOOO KAAMUA KUONDOKA ARSENAL BAADA YA MIAKA 22

HATIMAYE Kocha wa Arsenal, Arsene Wenger, ametangaza kuachia ngazi klabuni hapo baada ya msimu huu kumalizika.

Wenger ameifundisha timu hiyo kwa miaka 22 tangu ajiunge nayo na sasa amefikia maamuzi ya kuamua kuachana nayo baada ya kuinoa kwa muda mrefu.

Wenger amesema alikaa na kutafakari kwa kina kuhusiana na hatma yake na klabu hiyo, ambapo aliamua kukaa na uongozi wa juu wa timu hiyo na kuwaeleza kuwa wakati wake sasa umefikia mwisho.

“Baada ya kutafakari kwa kina kufuatia mazungumzo na klabu yangu, umefika wakati sasa nikae pembeni mwisho wa msimu huu, nina furaha sana kwa muda wote niliokaa hapa klabuni.

“Ninawashukuru wafanyakazi wenzangu, wachezaji, wakurugenzi na mashabiki kwa kuifanya klabu hii kuwa spesho, nimeitumikia kwa miaka mingi” amesema Wenger kwenye taarifa yake rasmi leo Ijumaa.

Wenger anaondoka Arsenal akiwa na rekodi ya kuiongoza timu hiyo katika michezo 1228 na amefanikiwa kushinda mataji mbalimbali akiwa na Arsenal kama mataji matatu ya EPL, Mataji saba ya FA na mataji saba tena ya Community Shield.

Kocha Wenger pia anaondoka Arsenal akiwa kaiachia rekodi ya kihistoria timu hiyo kwa kutwaa Ubingwa wa EPL msimu 2003/4 bila kupoteza mchezo hata mmoja, Wenger pia hadi anatangaza kuondoka Arsenal ndio kocha pekee England ambaye ametwaa FA Cup mara nyingi zaidi (7)

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.